loay_prince عضو مبتدئ
![عضو مبتدئ عضو مبتدئ](https://2img.net/h/www.xooit.com/themes_demo/ranks/darknlight_dark_1/2.gif)
![loay_prince](https://2img.net/u/1512/33/47/90/avatars/64-92.jpg)
![ذكر ذكر](https://2img.net/i/fa/subsilver/icon_gender_male.gif) عدد الرسائل : 10 العمر : 34 المكان : بورفؤاد المهنه : محل النت الى جنب بتاع المكرونة.... اهتمامات : الكمبيوتر..... تاريخ التسجيل : 01/02/2007
![الوصايا العشر لكل فتاة مخطوبة......... Empty](https://2img.net/i/empty.gif) | موضوع: الوصايا العشر لكل فتاة مخطوبة......... الجمعة فبراير 02, 2007 12:00 am | |
| آنستي العزيزة.. لو ربنا فك عقدتك.. واتخطبتي.. فإليك نصائحي حتى تأخذي بخطيبك من مركب الخطوبة إلِّلي محدش عارف هترسى على إيه.. إلى مثوااااه الأخير في قفص النسانيس.. قصدي قفص الزوجية السعيد..
أجمل ما في الخطوبة العزومات الرومانسية.. على أحلى محلات أكل فى البلد.. واللي عمرك مانتي شايفاها بعد الجواز.. المهم نصائحي لك عند أي عزومة مع ختيبك.. قلنا رقَّه ....
1- الأول لازم تعرفي إن الشوكة والسكينة بيتمسكوا من إيديهم من الطرف .. يعني مش م الوسط ولا م البوز زي الخنجر ولا من فوق طبعًااا
2- العيش أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي.. العيش بيتقطع بالسكينة ف الطبق.. وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفِّي زي مانتِ عايزه....
3- الشوووربة.. أبوس رجلك.. بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ فى الحجر للزبون.. وطبعًاااااا عايزك تنسى تمامًا.. السلطانية اللي بتقيميها على بقك ف البيت.. وتدلدقي على روحك.. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
4- الرز طبعاً .. بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي.. إوعي.. الرز بالشوكة.. وكأنك بتبوسيه مش بتاكليه..
5- المكرونة.. الاسباجتي.. برضه بالشوكة.. تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود..
6- السمك.. مشكلة.. شوفي.. بتفصلي اللحم عن الشوك.. إزاي..؟؟ تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك..
7- الجمبري.. -إذا كنتي عارفاه-.. أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.. برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت..
8- البطاطس سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي..
9- الفاكهة.. لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه.. أوعي ياحبيبتي من نظام التفتفة للبذر.. إنسي....
10- ولما تخلصي أكل تحطي إيدك على بطنك.. -اللي عصافيرها بتصوصو من العينات اللي كلتيها-.. وتقولي له مش ممكن.. أنا عمري ما اتفجعت كدة..أنا قدامي أسبوع.. هابطل أكل فيه..... وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.. آل يعني بتمسحي بؤك..وبعدين تستأذني منه لدخول التوليت لإصلاح ماكياجك.. وتخشي التواليت وتطلعي من شنطة إيديك.. لفة الفول والطعمية اللي جايباها معاكي.. وبالهنا والشفااااااااااااا
منقووووووووووول .. | |
|
HaMaDa_SaLaMa مدير المنتدى
![مدير المنتدى مدير المنتدى](https://2img.net/h/www.xooit.com/themes_demo/ranks/darknlight_dark_1/adminflash.gif)
![HaMaDa_SaLaMa](https://2img.net/u/1512/33/47/90/avatars/2-55.gif)
![ذكر ذكر](https://2img.net/i/fa/subsilver/icon_gender_male.gif) عدد الرسائل : 241 العمر : 35 المكان : بـورسـعيد المهنه : أدمين اهتمامات : منتديات V.I.P تاريخ التسجيل : 01/12/2006
![الوصايا العشر لكل فتاة مخطوبة......... Empty](https://2img.net/i/empty.gif) | موضوع: رد: الوصايا العشر لكل فتاة مخطوبة......... الإثنين مايو 28, 2007 11:49 am | |
| ههههههههههههههههههههههههههه
جميل يا مان والله
ههههههه | |
|